சரணாலயம்

தென்றல் மாத இதழில்  ஆகஸ்ட் 2010-ல் வெளியானது. தென்றல் இணையதளத்தில் சரஸ்வதி தியாகராஜன் அவர்கள் கொடுத்த ஒலி வடிவம் இங்கே. மயிலுக்கு மலைகளில் சரணாலயம் - சின்னக் குருவிக்கு மரங்களில்  சரணாலயம் மானுக்கு வனங்களில்  சரணாலயம் - இந்த மனதுக்கு எவ்விடம்  சரணாலயம் ?  தவழ்கின்ற பருவத்தில் யாருக்குமே தாய்மடி ஒன்றே சரணாலயம் ! விளையாடும் தருணத்தில் யாராகிலும் கேளிக்கை ஒன்றே  சரணாலயம் ! நேசிக்கும் நேரத்தில் நெஞ்சத்திற்கு நெருங்கிய இதயங்கள்  சரணாலயம் ! அலைபாயும் நெஞ்சுக்கு இடமில்லையே ! அதற்கென்று ஏதொரு சரணாலயம் ? துடிக்கின்ற நெஞ்சுக்கு இரவுகளில் துயில்கின்ற இடங்களே சரணாலயம் ! அழுகின்ற நேரத்தில் துன்பம் வெல்ல ஆறுதல் தருமிடம் சரணாலயம் ! புகழ்கொள்ளும் பொழுதினில் நெஞ்சத்திற்கு புவிசூழ்ந்த வானமே சரணாலயம் ! கணத்திற்கு கணம்மாறும் உள்ளத்திற்கு கண்டதுண்டோ யாரும் சரணாலயம்? உதயகுமார் JR